ကင်ဆာရောဂါ ဖြစ်ပွားသူ လူဦးရေဟာ တစ်နေ့ထက်တစ်နေ့ ပိုမိုမြင့်တက်လို့လာခဲ့ပြီ ဖြစ်ပါတယ်။ ဒါ့အပြင် ကင်ဆာရောဂါကြောင့် တစ်နှစ်ကို လူဦးရေ သန်းချီပြီး သေဆုံးလျက်ရှိပါတယ်။ ဒါကြောင့် ကင်ဆာရောဂါ ဖြစ်ပွားမှုကို ကာကွယ်ပေးနိုင်မယ့် အစားအစာတွေကို အခုလို ဖော်ပြပေးလိုက်ရတာ ဖြစ်ပါတယ်။

• ကြက်သွန်ဖြူ

ကြက်သွန်ဖြူမှာ ပါဝင်တဲ့ အလီစင် (Allicin) ဓါတ်က ခန္ဓာကိုယ်အတွင်း ကင်ဆာဆဲလ်များ ဖြစ်ပွားမှုကို ကာကွယ်ပေးနိင်မှာ ဖြစ်ပါတယ်။ ဒါ့အပြင် ကြက်သွန်ဖြူကို နေ့စဉ်ပုံမှန် စားသုံးပေးခြင်းကြောင့် အစာအိမ်ကင်ဆာ၊ အူမကြီးကင်ဆာ၊ ပန်ကရိယကင်ဆာ၊ အစာပြွန်ကင်ဆာ၊ ဆီးကျိတ်ကင်ဆာ ဖြစ်ပွားမှုတွေကို ကာကွယ်ပေးနိုင်မှာ ဖြစ်ပါတယ်။

• ဂေါ်ဖီစိမ်း

ဂေါ်ဖီစိမ်းမှာ Sulforaphane ဓါတ်ပါဝင်တာကြောင့် အဆုတ်ကင်ဆာ၊ အူမကြီးကင်ဆာစတဲ့ ကင်ဆာရောဂါ ဖြစ်ပွားမှုတွေကို ကာကွယ်ပေးနိုင်ပါတယ်။ ဒါ့အပြင် အမျိးသမီးတွေမှာ ဖြစ်ပွားလေ့ရှိတဲ့ ရင်သားကင်ဆာ ဖြစ်ပွားမှုကိုလည်း ကာကွယ်ပေးနိုင်မှာ ဖြစ်သလို အစာအိမ်ကင်ဆာ၊ ပန်ကရိယကင်ဆာစတဲ့ ကင်ဆာရောဂါဖြစ်ပွားမှုတွေကိုလည်း ကာကွယ်ပေးနိုင်မှာ ဖြစ်ပါတယ်။

• ရှောက်သီး/ သံပုရာသီး

အချဉ်ဓါတ်ပါဝင်တဲ့ အသီးအနှံတွေဖြစ်တဲ့ သံပုရာသီး၊ သံပုယိုသီး၊ ရှောက်သီးတို့ကို နေ့စဉ်ပုံမှန် စားသုံးပေးခြင်းဖြင့် အစာပြွန်ကင်ဆာ ဖြစ်ပွားမှုကို ကာကွယ်ပေးနိုင်မှာ ဖြစ်ပါတယ်။

• ဘလူးဘယ်ရီသီး

ဘလူးဘယ်ရီသီးမှာ ကင်ဆာဆဲလ် ဖြစ်ပွားမှုကို ကာကွယ်ပေးနိုင်တဲ့ အန်တီအောက်ဆီးဒန့်တွေ ပါဝင်တာကြောင့် အစာပြွန်ကင်ဆာ၊ ပန်ကရိယကင်ဆာ၊ အူမကြီးကင်ဆာစတဲ့ ကင်ဆာရောဂါ ဖြစ်ပွားမှုတွေကို ကာကွယ်ပေးနိုင်မှာ ဖြစ်ပါတယ်။  

• အာတီချုပ်သီး

ဂေါ်ဖီထုပ်ပုံစံ အရွယ်အစားနဲ့ အသွင်သဏ္ဍန်ရှိတဲ့ အာတီချုပ်သီးမှာ အရေပြားကင်ဆာ ဖြစ်ပွားမှုကို ကာကွယ်ပေးနိုင်တဲ့ Silymarin ဓါတ်ပါဝင်တာကြောင့် နေ့စဉ်ပုံမှန် စားသုံးပေးသင့်ပါတယ်။

• ဆဲလ်မွန်ငါး

လေ့လာတွေ့ရှိချက်တွေအရ ဆဲလ်မွန်ငါးကို တစ်ပတ်တစ်ကြိမ်ခန့် ပုံမှန်စားသုံးပေးခြင်းဖြင့် သွေးကင်ဆာရောဂါ ဖြစ်ပွားမှုကို ကာကွယ်ပေးနိုင်မှာ ဖြစ်တယ်လို့ သိရပါတယ်။ ဒါ့အပြင် ဆဲလ်မွန်ငါးမှာ ပါဝင်တဲ့ အိုမီဂါ ၃ ဖက်တီးအက်စစ်ကြောင့် သားအိမ်ကင်ဆာဖြစ်ပွားမှုကိုလည်း ကာကွယ်ပေးနိုင်မှာ ဖြစ်ပါတယ်။

• ကီဝီသီး

ကီဝီသီးမှာ ဗီတာမင် C၊ ဗီတာမင် E၊ လူတိန်း (Lutein)တို့ ပါဝင်တာကြောင့် ကင်ဆာရောဂါဖြစ်ပွားမှုကို ကာကွယ်ပေးနိုင်မှာ ဖြစ်ပါတယ်။

• ရေနွေးကြမ်း

အမျိုးသမီးတွေ အနေနဲ့ ရေနွေးကြမ်းကို တစ်နေ့ နှစ်ခွက်ခန့် သောက်သုံးပေးမယ်ဆိုရင် သားအိမ်ခေါင်းကင်ဆာ ဖြစ်ပွားမှုကို ကာကွယ်ပေးနိုင်မှာ ဖြစ်ပါတယ်။ 

• ပန်းသီး

ပန်းသီးမှာ အမျှင်ဓါတ်ကြွယ်ဝစွာ ပါဝင်တာကြောင့် နေ့စဉ်ပုံမှန် စားသုံးပေးမယ်ဆိုရင် အူမကြီးကင်ဆာ ဖြစ်ပွားမှုကို ကာကွယ်ပေးနိုင်မှာ ဖြစ်ပါတယ်။

• မုန်လာဥနီ

မုန်လာဥနီကို နေ့စဉ်ပုံမှန် စားသုံးပေးခြင်းကြောင့် အဆုတ်ကင်ဆာ ဖြစ်ပွားမှုကို ကာကွယ်ပေးနိုင်မှာ ဖြစ်ပါတယ်။

• ကော်ဖီ

လေ့လာတွေ့ရှိချက်တွေအရ တစ်နေ့ကို ကော်ဖီလေးခွက်ခန့် သောက်သုံးပေးခြင်းကြောင့် အူမကြီးကင်ဆာ ဖြစ်ပွားမှုကို ကာကွယ်ပေးနိုင်မှာ ဖြစ်ပါတယ်။

REF: TheHealthy