ဆီးချို/ သွေးချိုရောဂါဖြစ်ပွားရခြင်းရဲ့ အဓိကအကြောင်းအရင်းကတော့ ခန္ဓာကိုယ်အတွင်း သကြားဓါတ် လွန်ကဲလာခြင်းကြောင့်ပဲ ဖြစ်ပါတယ်။ တကယ်လို့ သင့်အနေနဲ့ ဆီးချိုရောဂါခံစားနေရတယ် ဆိုရင်တော့ ယခုဖော်ပြပေးသွားမယ့် အစားအစာများ စားသုံးခြင်းကို တတ်နိုင်သမျှ ရှောင်ကြဉ်သင့်ပါတယ်။

• အချိုဓါတ်လွန်ကဲသော အစားအစာများ

သကြားလုံးတွေ၊ ကိတ်မုန့်တွေ၊ အချိုရည်တွေကို နေ့စဉ်ပုံမှန်စားသုံးခြင်းကြောင့် ကျွန်တော်တို့ခန္ဓာကိုယ်ရဲ့ အလေးချိန်ကို မြင့်တက်စေမှာဖြစ်တဲ့အပြင် ဆီးချို/ သွေးချိုရောဂါကိုပါ ဖြစ်ပွားစေနိုင်ပါတယ်။ တကယ်လို့ သင့်အနေနဲ့ အချိုတစ်ခုခု စားချင်စိတ်ဖြစ်ပွားလာခဲ့မယ် ဆိုရင်လည်း အချိုဓါတ်ပါဝင်တဲ့ အသီးအနှံကိုသာ စားသုံးပေးသင့်ပါတယ်။

• နို့နှင့်နို့ထွက်ပစ္စည်းများ

တကယ်လို့ သင့်အနေနဲ့ ဆီးချို/ သွေးချိုဝေဒနာ ခံစားနေရပြီဆိုရင် အတတ်နိုင်ဆုံး နို့နဲ့နို့ထွက်ပစ္စည်းတွေ စားသုံးခြင်းကို ရှောင်ကြဉ်သင့်ပါတယ်။ နို့နဲ့နို့ထွက်ပစ္စည်းတွေမှာ ကိုလက်စထရော ပါဝင်မှုများပြားတာကြောင့် ဆီးချို/ သွေးချိုရောဂါအပြင် နှလုံးရောဂါကိုလည်း ဖြစ်ပွားစေနိုင်ပါတယ်။

• အရက်

ဆီးချို/ သွေးချိုဝေဒနာ ခံစားနေရပြီဆိုရင် အရက်သေစာ သောက်သုံးခြင်းကို လုံးဝရှောင်ကြဉ်သင့်ပါတယ်။ အရက်သေစာမှာ သကြားဓါတ် ပါဝင်မှု များပြားတာကြောင့် သွေးအတွင်း သကြားဓါတ် ပါဝင်မှုရာခိုင်နှုန်းကို မြင့်တက်စေနိုင်ပါတယ်။

• ဆီကြော်များ

ဆီကြော်စာတွေကို စားသုံးရတာ အရသာရှိသလောက် ကျွန်တော်တို့ ခန္ဓာကိုယ်အတွက် ဘေးအန္တရာယ်များစွာကို ဖြစ်ပွားစေနိုင်ပါတယ်။ ဘာဖြစ်လို့လည်းဆိုတော့ ဆီကြော်စာတွေမှာ ကယ်လိုရီနဲ့ အဆီဓါတ်တွေ ပါဝင်တာကြောင့် ခန္ဓာကိုယ်အလေးချိန်ကို မြင့်တက်စေတဲ့အပြင် သွေးတွင်းသကြားဓါတ်ကို မြင့်တက်စေတာကြောင့် ဆီးချို/ သွေးချိုရောဂါကို ဖြစ်ပွားစေနိုင်ပါတယ်။

•  အနီရောင်အသားများ

လေ့လာတွေ့ရှိချက်တွေအရ အနီရောင်အသားတွေဖြစ်တဲ့ အမဲသား၊ သိုးသား၊ ဆိတ်သားစတဲ့ အသားတွေကို နေ့စဉ်ပုံမှန်စားသုံးခြင်းကြောင့်လည်း ဆီးချို/ သွေးချိုရောဂါ ဖြစ်ပွားစေနိုင်တယ်လို့ သိရပါတယ်။

REF: Mr.HealthyFrog