ရွှေဖရုံသီးကို စားသုံးရတာ တကယ်ကို အရသာ ကောင်းမွန်တဲ့အပြင် အာဟာရဓာတ်တွေ၊ ဗီတာမင်ဓာတ်တွေ၊ သတ္တုဓာတ်တွေ၊ အန်တီအောက်ဆီဒန့်တွေ (Antioxidants) ကြွယ်ဝစွာ ပါဝင်ပါတယ်။ ဒါကြောင့် ရွှေဖရုံသီးကို စားသုံးခြင်းဖြင့် ရရှိနိုင်တဲ့ ကျန်းမာရေးဆိုင်ရာ အကျိုးကျေးဇူးတွေကို အခုလို ဖော်ပြပေးလိုက်ရတာပဲ ဖြစ်ပါတယ်။

• သွေးပေါင်ချိန်ကို ထိန်းညှိပေးခြင်း

ရွှေဖရုံသီးမှာ အမျှင်ဓာတ်၊ ပိုတက်ဆီယမ်၊ ဗီတာမင် C တို့ကြွယ်ဝစွာ ပါဝင်တာကြောင့် နှလုံးကျန်းမာရေးကို ကောင်းမွန်စေမှာ ဖြစ်ပါတယ်။ ရွှေဖရုံသီးမှာ ပါဝင်တဲ့ ပိုတက်ဆီယမ်ဓာတ် အနေနဲ့ သွေးတိုးရောဂါ ဖြစ်ပွားမှုကို ကာကွယ်ပေးမှာ ဖြစ်တဲ့အပြင် သွေးပေါင်ချိန် မြင့်တက်မှုကိုလည်း ထိန်းညှိပေးနိုင်မှာ ဖြစ်ပါတယ်။ ဒါ့အပြင် ရွှေဖရုံသီးကို စားသုံးပေးခြင်းဖြင့် လေဖြတ်ခြင်း၊ အရိုးပွခြင်း၊ ကြွက်သားများလျော့ရဲခြင်းတို့ကိုလည်း ကာကွယ်ပေးနိုင်မှာ ဖြစ်ပါတယ်။

• ကင်ဆာရောဂါ ဖြစ်ပွားမှုကို ကာကွယ်ပေးခြင်း

ရွှေဖရုံသီးမှာ ပါဝင်တဲ့ ဘီတာကာရိုတင်းဓာတ် (Beta-Carotene) အနေနဲ့ ဆီးကျိတ်ကင်ဆာ၊ အူမကြီးကင်ဆာ ဖြစ်ပွားမှုတွေကိုလည်း ကာကွယ်ပေးနိုင်မှာ ဖြစ်ပါတယ်။

• မျက်စိကျန်းမာရေးကို ကောင်းမွန်စေခြင်း

ရွှေဖရုံသီးမှာ အန်တီအောက်ဆီဒန့်တွေ (Antioxidants)၊ ဗီတာမင် C၊ ဗီတာမင် E၊ ဗီတာမင် A၊ ဘီတာကာရိုတင်း (Beta-Carotene) ၊ Lutein၊ Zeaxanthin တို့ပါဝင်တာကြောင့် မျက်စိကျန်းမာရေးကို ကောင်းမွန်စေမှာ ဖြစ်တဲ့အပြင် အာရုံကြောဆိုင်ရာ ရောဂါတွေ ဖြစ်ပွားမှုကိုလည်း ကာကွယ်ပေးမှာ ဖြစ်ပါတယ်။

• ခန္ဓာကိုယ်အလေးချိန်ကို ထိန်းညှိပေးခြင်း

ရွှေဖရုံသီးမှာ ကယ်လိုရီပါဝင်မှု အလွန်နည်းပါးတာကြောင့် ခန္ဓာကိုယ်အလေးချိန် မြင့်တက်မှုကို ထိန်းညှိပေးမှာဖြစ်တဲ့အပြင် ရေဓာတ် (၉၄) ရာခိုင်နှုန်း ပါဝင်တာကြောင့် ရွှေဖရုံသီးကို စားသုံးပေးခြင်းဖြင့် ရေဓာတ်ခမ်းခြောက်ခြင်းကိုလည်း ကာကွယ်ပေးနိုင်မှာ ဖြစ်ပါတယ်။

• အသားအရေကို ချောမွေ့စေခြင်း

ရွှေဖရုံသီးမှာ ပါဝင်တဲ့ ဘီတာကာရိုတင်း (Beta-Carotene) အနေနဲ့ နေရောင်ခြည်ကြောင့် အသားအရေ လောင်ကျွမ်းခြင်းကို ကာကွယ်ပေးသွားမှာ ဖြစ်ပါတယ်။ ဒါ့အပြင် ရွှေဖရုံသီးမှာ ဗီတာမင် C ပါဝင်တာကြောင့် အသားအရေကို ချောမွေ့စေမှာဖြစ်ပြီး ဆဲလ်များ ပျက်ဆီးမှုကိုလည်း ကာကွယ်ပေးသွားမှာ ဖြစ်ပါတယ်။

• သွေးတွင်းသကြားဓာတ်ကို ထိန်းညှိပေးခြင်း

ရွှေဖရုံသီးမှာ သွေးတွင်းသကြားဓာတ်ကို ထိန်းညှိပေးတဲ့ ဒြပ်ပေါင်းတွေ ပါဝင်တာကြောင့် သွေးတွင်းသကြားဓာတ် လွန်ကဲမှုကို ကာကွယ်ပေးသွားမှာဖြစ်ပါတယ်။ ဒါ့အပြင် ရွှေဖရုံသီးကို စားသုံးပေးခြင်းဖြင့် ဆီးချိုရောဂါ ဖြစ်ပွားမှုကို ကာကွယ်ပေးခြင်း၊ အစာအိမ်နဲ့အူလမ်းကြောင်းဆိုင်ရာ ရောဂါများ ဖြစ်ပွားမှုကို ကာကွယ်ပေးခြင်းစတဲ့ အကျိုးကျေးဇူးတွေကို ရရှိစေမှာ ဖြစ်ပါတယ်။

• ကိုယ်ခံစွမ်းအားကို မြှင့်တင်ပေးခြင်း

ကျွန်တော်တို့ ခန္ဓာကိုယ် အတွင်းမှာ ဗီတာမင် A လုံလောက်မှု မရှိဘူးဆိုရင် ခုခံအားကျဆင်းစေမှာ ဖြစ်ပါတယ်။ ရွှေဖရုံသီးမှာ ကိုယ်ခံစွမ်းအားကို မြှင့်တင်ပေးနိုင်တဲ့ ဗီတာမင် A၊ ဗီတာမင် C၊ ဗီတာမင် E၊ သံဓာတ်နဲ့ ဖိုလိတ်အက်စစ် (Folate) တို့ပါဝင်တာကြောင့် နေ့စဉ်ပုံမှန် စားသုံးပေးသင့်ပါတယ်။

REF: HealthLine, MedicalNewsToday